MP3 Audio
*
ડુંગર દુઃખના છોને પડે,
તારું અંતર કેમ રડે ? ... ડુંગર
શરણ લઇ લે સંતપ્રભુનું તો ચિંતા બધીયે ટળે;
દર્દ દાવાગ્નિ દૂર બને ને ગ્રહ ના કદીયે નડે ... ડુંગર
ભારે ભેખડ પડે,ધોર ગર્જના વડે વંટોળે ચિત્ત ચડે;
સંતની હોય શુભાશિષ તો ના આફત લેશ અડે ... ડુંગર
આંસુના સાગર શાંત બને ને હેતુ સમસ્ત સરે;
બંધ થયા હો મારગ તોયે ધાર્યો માર્ગ જડે ... ડુંગર
અનુભવની આ વાણી કહી છે, કૈં ન અશક્ય ખરે;
'પાગલ' પ્રભુનો પ્રેમી થા તું, શોકમાં શાને સડે ? ... ડુંગર
- શ્રી યોગેશ્વરજી