મારું અંતર આ અનુરાગી.
અનુરાગ તમારો છે એમાં દૈવી વીણા વાગી,
ઘટઘટમાં શો શબ્દ સોહાયે, જીવન છે સોહાગી ... મારું.
મથુરાકાશી શાને જાઉં, મળ્યાં તમે અવિનાશી;
રોમરોમમાં તીરથ મારે, એવી પ્રીતિ જાગી ... મારું.
પ્રાણાયામ ખેચરી સાધન ભ્રમણા બીજી ત્યાગી,
અખંડ અમૃતધારા મુજને હાથ મિલનમાં લાગી. ... મારું.
‘પાગલ’ પ્રાણ નિરંતર કરતો આસક્તિ વણમાગી;
તન મન ને અંતર પલટાયા, મિલ્કત અન્ય ન માગી મારું.
(૩-૧૧-૧૯૫૭, રવિવાર)
– © શ્રી યોગેશ્વરજી